Helsti talsmaður veggjalda tekur við formennsku í umhverfis- og samgöngunefnd
![Reykjanesbraut-Hringtorg-640x437](https://i2.wp.com/www.sudurnes.net/wp-content/uploads/2015/07/Reykjanesbraut-Hringtorg-640x437.jpg?resize=620%2C264)
Jón Gunnarsson þingmaður Sjálfstæðisflokksins mun taka við formennsku í umhverfis- og samgöngunefnd tímabundið, í kjölfar þess að Bergþór Ólason þingmaður Miðflokksins ákvað að stíga til hliðar. Þetta kemur fram í sameiginlegri tilkynningu frá Vinstri grænum, Framsóknarflokknum og Sjálfstæðisflokknum.
Jón hefur verið helsti talsmaður þess að veggjöld verði lögð á helstu stofnleiðir frá höfuðborginni, en búist er við að frumvarp þess efnis verði lagt fram með vorinu.