Harður árekstur á Hringbraut – Einn fluttur á sjúkrahús
![logreglan bill](https://i2.wp.com/www.sudurnes.net/wp-content/uploads/2015/08/logreglan-bill1.jpg?resize=620%2C264)
Einn var fluttur undir læknis hendur eftir að harður árekstur varð á gatnamótum Hringbrautar og Faxabrautar í Keflavík í gærkvöld. Áreksturinn varð með þeim hætti að bifreið var ekið viðstöðulaust í veg fyrir aðra á framangreindum gatnamótum. Ökumaður fyrrnefndu bifreiðarinnar fann mikið til í fótum og var fluttur með sjúkrabifreið á Heilbrigðisstofnun Suðurnesja. Bifreiðirnar voru báðar óökufærar og voru fjarlægðar með dráttarbifreið.
Fleiri umferðaróhöpp urðu í vikunni í umdæmi lögreglunnar á Suðurnesjum en þau voru minni háttar og engin slys urðu á fólki.