Hafnaði á vegriði á Reykjanesbraut
![logreglan eftirlit flugstod](https://i2.wp.com/www.sudurnes.net/wp-content/uploads/2015/09/logreglan-eftirlit-flugstod.jpg?resize=620%2C264)
Nokkuð var um umferðaróhöpp í umdæmi lögreglunnar á Suðurnesjum um helgina. Ökumaður missti stjórn á bifreið sinni í beygju og ók framan á bílaleigubifreið. Ekki urðu slys á fólki.
Þá rann bifreið til á vegkafla milli Grindavíkurvegar og Vogavegar með þeim afleiðingum að hún hafnaði á vegriði og stöðvaðist þar. Ökumaður slapp ómeiddur.
Fleiri óhöpp urðu í umferðinni en þau voru minni háttar og engin slys á fólki.