Nýjast á Local Suðurnes

FöstudagsÁrni: Máttvana verkalýðsfélög og forsetakosningar

Stundum eru þeir stuttir og stundum langir, eins og núna – föstudagspistill elskurnar beint úr ruslinu í Reykjavík.

Amazing Race Bessastaðir 20l16 lofar góðu og verður án efa eitt heitasta sjónvarpsefnið þetta árið. Þátttakendur streyma úr hverju skúmaskoti og samkeppnin er það hörð að strax er byrjað að týnast úr hópnum – það er örugglega met að hafa verið bara einn dag í forsetaframboði. Keppnin verður ræst frá Lækjartorgi þar sem keppendur fá fyrsta umslagið með fyrstu þrautinni. Hætta er á að margir hellist úr lestinni strax, Elísabet Jökuls gleymir sér á Hressó í einum köldum og sígó á meðan Þorgrímur les henni pistilinn um skaðsemi reykinga. Ásþór verður erlendis að ná í unga austurevrópska fylgdardömu og Sturla Jóns beitir brellubrögðum og lokar Lækjargötunni með trukknum sínum til að tefja keppinautana. Hrannar Péturs verður kannski ekki með, óvíst hvort hann finni sjarma áður en flautað er til leiks og Hildur fjallkona fer hægt yfir í sauðskinnsskónum. Miðað við þá frambjóðendur sem hafa nú þegar skráð sig til leiks hafa myndast sérstæðar aðstæður í samfélaginu sem Ólafur Ragnar þarf að íhuga og kappinn þurfi að gefa kost á sér aftur til að bjarga samfélaginu eina ferðina enn.

Árni Árna

Árni Árna

Hjartahlýr strætóbílstjórinn sem keyrði af stað með barnavagn klemmdan hálfan í hurðinni. Hann sá ekki tilgang í því að skipta sér af móður í geðshræringu. Strætó verður seint verðlaunað fyrir hátt þjónustustig og liðlegheit, spurning að splæsa í námskeið í mannlegum samskiptum þar á bæ.

„Hreinsa slönguna“ er slagorð vikunnar, ung ólétt kona fékk tilboð frá einum á síðunni skutlarar að tæma á honum slönguna í stað þess að greiða fyrir aksturinn. Fram kemur í frétt á dv.is að þetta er víst ekki svo óalgeng viðskipti á eyrinni – oft hafi það komið upp að boðið er upp á þennan greiðslumáta. Skutlarar er hópur á facebook í samkeppni við leigubifreiðar í Reykjavík og bjóða greinilega upp á miklu persónulegri þjónustu en hinir löglegu taxabílstjórar.

Meira rasistabælið þessi Reykjanesbær, ef marka má orð indversku prinsessunnar Leonice sem kafnaði nánast í frekjukasti í vikunni eftir að maðurinn hennar varð að moka stéttina við heimili þeirra. Hún setti sig í samband við bæjarstarfsmenn og eins og henni er einni lagið þá sakaði hún bæjarstarfsmenni um einræðistakta og rasisma. Ef ekki er allt eftir hennar höfði þá er það rasismi hjá prinsessunni sem hefur látið margan manninn heyra það í gegnum tíðina. Samt stökk hún á vagninn með Gylfa Ægis í hommahatrinu þrátt fyrir að vera fórnarlamb minnihlutahóps á Íslandi. Ég hef bara eitt að segja við fyrstihúsakjaftinn og hommahatarnn, æi þegjuðu og mokaðu sjálf stéttina.

Leitað er út fyrir landsteinana eftir vinnuafli á Keflavíkurflugvelli þrátt fyrir að atvinnuleysi mælist með því hæsta á landinu á Suðurnesjum. Fjölmargir íbúar á svæðinu hafa sótt þar um vinnu en fá ekki viðtöl hvað þá meira. Hér þarf að grípa inn í, það læðist að manni sá grunur að láglaunastefna sé þarna að baki og það eigi að flytja inn ódýrt vinnuafl á meðan atvinnulausir Suðurnesjamenn ráfa um göturnar. Það er með ólíkindum að verkalýðsfélög á svæðinu mótmæli ekki auglýsingum erlendis. Það er áberandi hvað verkalýðsfélög eru orðin máttvana og allt að því óþörf, enda löngu hætt að berjast fyrir launþega í landinu og lepja upp ávinning vinnuveitenda.

Frú Agnes biskup kastar fram kröfu um að næsti forseti Íslands sé fullgildur meðlimur í þjóðkirkjunni. Hvað með okkur hin 50% sem stöndum utan hennar, eigum við þá ekki rétt á að gefa kost á okkur ? Erum við ekki nógu góð til að gegna embætti forseta? Þetta er kjánaleg frekja í biskupnum sem stendur við stýrið á sökkvandi skútu.

Listamannalaunin slá alltaf í gegn í hvert skipti sem þeim er úthlutað. Ég hreinlega vissi varla að við ættum svona mikið af listamönnum. Hvað þá að metsöluhöfundar þurfi að þyggja bætur frá ríkinu. Hallgrímur Helgason er á spenanum eins og venjulega og eyðir tímanum í að drulla yfir stjórnvöld, stjórnmálaflokka og stjórnmálamenn, eigum við ekki að fara að gera kröfu um að ef þú vilt kalla þig listamann að þá þarftu að vera sjálfbær eftir einhvern vissan tíma? Ég styð listamannalaun til efnilegra listamanna sem eru að stíga sín fyrstu spor og þurfa að koma sér á framfæri – en ef þú nærð því ekki þá er nú ekki svo víst að það sé mikið varið í listsköpunina og ber að sinna henni í frístundum, þegar þú ert ekki í vinnunni.

Góða helgi