Festa tapar 300 milljónum króna á GAMMA
Lífeyrissjóðurinn Festa hefur fært niður eignir vegna Gamma: Novus. Bókfært tap vegna fjárfestinga í sjóðnum nemur um 300 milljónum króna. Þetta kom fram í kvöldfréttum Stöðvar 2 og var þar staðfest af framkvæmdastjóra Festu.
Töluverð fjölmiðlaumfjöllun hefur verið í gangi síðustu daga um málefni Gamma Capital Management, en greint var frá því á mánudag að samkvæmt hálfsársuppgjör Gamma: Novus-sjóðsins í fyrra hafi eigið fé hans verið 4,8 milljarðar króna, en stæði í dag í 42 milljónum króna. Þá hefur verið greint frá því að hópur hlutdeildarskirteinishafa kanni nú réttarstöðu sína um hvort refsiverð háttsemi hafi átt sér stað í tengslum við starfsemi sjóðsins.