Björgunarsveitir að langt fram á nótt
Björgunarsveitir sinntu um 100 verkefnum vegna óveðurs í gærkvöldi og nótt eftir að fyrsta útkallið barst klukkan rétt rúmlega 22. Langflest útköllin voru á Suðurnesjum og höfuðborgarsvæðinu.
Mest var um fok á lausamunum eins og fiskikörum, ruslatunnum og jafnvel jólatrjám. Einnig þurfti björgunarsveitarfólk að koma böndum á grindverk, garðskúra, þakplötur og klæðingar á húsum. Eitthvað var um byggingaefni að fjúka á byggingasvæðum, segir í tilkynningu frá Landsbjörgu. Björgunarsveitir luku störfum um klukkan fjögur í nótt.
Mynd: Landsbjörg.