Starfsemi verktaka við breytingar á Bláa lóninu stöðvuð af skattstjóra
Fulltrúar ríkisskattstjóra, með aðstoð lögreglunnar, stöðvuðu í vikunni starfsemi fyrirtækisins BH-10 ehf., sem var nýlega orðið undirverktaki Já-verks við framkvæmdir við Bláa lónið. Starfsemi fyrirtækisins var stöðvuð vegna vangoldinna skatta upp á rúmar 100 milljónir króna.
BH-10 var einnig með starfsemi á höfuðborgarsvæðinu, með alls 32 starfsmenn á þessum tveimur stöðum. Framkvæmdarastjóri Já-verks segir, í samtali við mbl.is, að fyrirtækið muni ekki starfa áfram fyrir þá, á meðan mál þess hjá yfirvöldum sé óútkljáð.