Skólamatur ehf. fær þriggja milljarða samning
![skolamatur](https://i0.wp.com/www.sudurnes.net/wp-content/uploads/2017/10/skolamatur-1.jpg?resize=620%2C264)
Skólamatur ehf. hefur gert samning við Hafnarfjarðarbæ til fjögurra ára um að bjóða upp á mat í skólum og leikskólum bæjarins. Er ársvelta samningsins 723,5 milljónir króna eða tæplega þrír milljarðar króna yfir samningstímann. Þá er ákvæði í samningnum sem gerir það mögulegt að framlengja hann um allt að 2 ár.
Samstarfssamninginn nær til framleiðslu og framreiðslu á mat fyrir leik- og grunnskóla Hafnarfjarðar árin 2019-2023. Fyrirtækið hefur þjónustað Hafnarfjarðarbæ frá árinu 2017 með góðum árangri.
Þá hefur verið ákveðið að innleiða tilraunaverkefni með hafragraut og lýsi í morgunmat inn í alla grunnskóla sveitarfélagsins og opna þannig á möguleika allra til að neyta hollrar ókeypis fæðu í upphafi skóladags. Samhliða var gerð tilraun með ávaxta- og grænmetishressingu að morgni og svo síðdegishressingu sem gaf mjög góða raun og því verður boðið upp á áskrift að slíkri hressingu innan skólasamfélagsins frá og með hausti.