Sannfærandi hjá Keflavík gegn Haukum
Keflvíkingar fengu Hauka í heimsókn á Nettóvöllinn í sjöttu umferð Inkasso-deildarinnar í knattspyrnu í kvöld. Keflvíkingar unnu sannfærandi 3-0 sigur.
Staðan í leikhléi var 1-0 Keflvíkingum í vil, eftir að Frans Elvarsson skoraði með flottu skoti af um 20 metra færi. Keflvíkingar tóku svö öll völd á vellinum í síðari hálfleik og tvöfaldaði Ísak Óli Ólafsson forskotið á sjöttu mínútu hálfleiksins. Marko Nikolic skoraði svo þriðja markið af stuttu færi á 79. mínútu.
Keflvíkingar eru í fimmta sæti deildarinnar eftir sex leiki með 9 stig.