Nýjast á Local Suðurnes

Leggja til að setningarathöfn Ljósanætur verði endurskoðuð

Blöðrum verður ekki sleppt við setningarathöfnina að þessu sinni

Ráðið auglýsti íbúafund vegna Ljósanætur, menningar- og fjölskylduhátíðar Reykjanesbæjar og óskaði eftir umræðu og jafnvel tillögum um framkvæmd Ljósanætur 2016. Skipt var upp í hópa og eftirfarandi spurningar ræddar:

a.  Hvernig getum við aukið þátttöku íbúa?
Sem gerendur viðburða, kostendur viðburða og njótendur viðburða.
b. Ertu með hugmynd að nýju skipulagi fyrir hátíðina?
Hve margir dagar, staðsetning í bænum, nýir viðburðir.
c. Fyrir hverja er Ljósanótt?
Íbúar, gestir, kostnaður, kynningarmál.

Í umræðu hópanna kom fram að sú breyting sem varð á hátíðinni í fyrra þar sem föstudagshátíðarhöld voru minnkuð og kynningarkostnaður lækkaður mæltist vel fyrir. Ýmsar hugmyndir voru ræddar sem menningarráð mun fara betur yfir ásamt framkvæmdaráði Ljósanætur með það í huga að sem flestar af þeim góðu og uppbyggilegu geti komist til framkvæmda miðað við það fjármagn og þann mannskap sem stendur til boða. Ráðið leggur til að setningarathöfn Ljósanætur verði endurskoðuð í samvinnu við fræðsluyfirvöld.