Tónleikar og kjötsúpa færð í skjól
![Screenshot_20230829-182255_Facebook](https://i1.wp.com/www.sudurnes.net/wp-content/uploads/2023/08/Screenshot_20230829-182255_Facebook.jpg?resize=620%2C264)
Á föstudag verður snúið á veðurguðina og breyting gerð á dagskrá Ljósanætur. Kjötsúpan frá Skólamat verður færð við gamla slippinn við smábátahöfnina og tónleikar færðir inni í slippinn. Þar verður boðið upp á sannkallaða skemmuupplifun eins og ýmsir þekkja t.d. frá tónlistarhátíðunum Aldrei fór ég suður og Bræðslunni, segir í tilkynningu.
Dagskráin verður ekki af verri endanum og meðal þeirra sem koma fram eru Sigga og Grétar í Stjórninni og sjálf diskódívan Páll Óskar auk flottu heimabandanna Midnight Librarian, Demo og Sissu sigurvegara úr söngkeppni framhaldsskólanna ásamt fleiri atriðum. Komið og njótið rjúkandi kjötsúpu og skemmtilegrar stemningar í gamla slippnum í Grófinni.
Kjöstúpa kl. 18-20, dagskrá á sviði 18-21:30