Svona mun nýtt íþróttahús í Grindavík líta út – Myndband!

Framkvæmdir eru hafnar við byggingu nýs íþróttahús í Grindavík og þrátt fyrir enn sé nokkuð í verklok, sem áætluð eru í byrjun árs 2019, er nú hægt að skyggnast inn í framtíðina hér með þessum tölvuteiknuðu þrívíddarmyndum af íþróttamannvirkjunum eins og þau eiga að líta út að framkvæmdum loknum.

Mannvirkið verður um 2.500 m² að stærð og samanstendur af fjölnota bardagasal, sjoppu, geymslum og íþróttahúsi. Húsið er hannað af Batteríinu arkitektum, Eflu verkfræðistofa sá um bruna- og rafmagnshönnun, Trivíum hljóðhannaði og  Strendingur hannaði burðarþol og lagnir. Tækniþjónusta SÁ mun sjá um byggingarstjórn og verkeftirlit. Skrifað var undir verksamning við Grindina í lok mars á þessu ári.