Suðurnesjaverktaki fær ekki tvöföldun Reykjanesbrautar
![ellert skúlason ehf.](https://i1.wp.com/www.sudurnes.net/wp-content/uploads/2015/06/ellert-skúlason-ehf..jpg?resize=620%2C264)
Vegagerðin hefur hafnað tilboði lægstbjóðanda í breikkun 3,2 kílómetra kafla Reykjanesbrautar í Hafnarfirði þar sem bjóðandinn stóðst ekki kröfur útboðsins. Í staðinn verður rætt við þann sem átti næstlægsta boð, Ístak. Þetta kom fram í fréttum Stöðvar 2.
Verktakasamsteypa sem samanstóð af þremur fyrirtækjum, Ellert Skúlasyni, Borgarvirki og GT-verktökum, stóðst ekki skilyrði um að hafa áður unnið verkefni af ákveðinni stærðargráðu, að sögn G. Péturs Matthíassonar, upplýsingafulltrúa Vegagerðarinnar.