Lögregla leitar stolinna gáma og rörastillansa
Lögreglan á Suðurnesjum leitar að 2 gámum sem virðist hafa verið stolið af Ásbrú.
Um er að ræða tvo 20 ft. gáma sem voru teknir frá Funatröð 8 á Ásbrú, en þeir voru þar við húsið. Annar gámurinn er innréttaður með klósetti og kaffiaðstöðu, með sæti og borðum fyrir 8-10 manns , grár að lit. Gengið inn um hlið á honum.
Hinn gámurinn var vinnugámur, rauður að lit. Einnig er horfið þaðan rörastillans, að gerðinni Bostic frá Byko,en sá er 220 lengdarmetrar.
Ef einhver hefur upplýsingar um hvarf þessarar gáma þá má hinn sami hafa samband við Lögregluna á Suðurnesjum, annað hvort í gegnum Facebook eða með því að hringja í síma 444-2200.