Leita að einstaklingi við gosstöðvarnar
![IMG_20210405_204658_331](https://i1.wp.com/www.sudurnes.net/wp-content/uploads/2021/04/IMG_20210405_204658_331-scaled.jpg?resize=620%2C264)
Allar björgunarsveitir á Suðurnesjum hafa verið kallaðar út ásamt öllum björgunarsveitum á höfuðborgarsvæðinu, vegna leitar að einstaklingi sem er saknað við gosstöðvarnar í Geldingadölum.
Þetta kemur fram á vef mbl.is, en samkvæmt upplýsingum frá Landsbjörg varð maðurinn viðskila við samferðamann um miðjan dag. Þegar hraðleit á svæðinu skilaði ekki árangri hafi verið aukið við viðbragðið. Spor- og leitarhundar verða notaðir við leitina.