Leikskólabörn lásu 1217 bækur í lestrarátaki

ormurinn góði náði heldur betur að bíta í afturendann á sér.

Leikskólinn Krókur í Grindavík stóð fyrir lestrarátaki á meðal leikskólabarnanna frá 15. febrúar til og með 1. apríl. Lesnar voru 1217 bækur sem er aukning um 267 bækur á milli ára og af þessum 1217 bókum voru 112 af þeim erlendar bækur sem er einstaklega ánægjulegt en síðasta ár voru þær 70 talsins.

Við fengum góða gesti í heimsókn á meðan á lestrarátakinu stóð en til okkar komu erlendir foreldrar og eldri borgarar og lásu fyrir börnin.  Segir á heimasíðu leikskólans.

Þá fóru börnin á eldri deildum í heimsókn á bókasafnið og elsti árgangurinn fór og hlustaði á Kristínu Margréti Kristmannsdóttur lesa bók sína Vikkala Sól og hamingjukrúsin en hún er um stúlku með stórt hjarta.

Vinsælasta bókin þetta árið var Taskan hennar Dóru og fast á eftir henni komu bækurnar um Krakkana í Kátugötu.
Áhugavert er að segja frá því að búið er að rannsaka erlendis tengsl á milli bókafjölda á heimilum barna og hvar þau standa í málþroska við 11 ára aldur og er hægt að sjá niðurstöður í töflunni hér fyrir neðan.