Gulur veðurdagur

Gul veðurviðvörun er í gildi á Suðurnesjasvæðinu í dag og í tilkynningu frá lögreglu segir að ágætt sé að huga að lausum munum í og við heimili.

Í athugasemdum veðurfræðings hjá Veðurstofunni segir: Gengur í allhvassa eða hvassa austanátt á sunnanverðu landinu í dag, en storm syðst. Auk þess má búast við hríð á heiðum og fjallvegum norðan- og austanlands seinnipartinn.

Núna eru sennilega margir að huga að heimferð úr útilegum og þarf þá að gæta sérstakrar varúðar með eftirvagna sem að taka á sig mikinn vind. Vindstrengir við fjöll geta verið sérstaklega varasamir.