Gas úr borholu orsök banaslyss á Reykjanesi
Vinnueftirlit, heilbrigðiseftirlit og lögregla rannsaka banaslys, sem varð í fiskverkun á Reykjanesi í morgun. Lögreglu barst tilkynning um slysið klukkan 7:15, en í tilkynningu frá Lögreglunni á Suðurnesjum kemur fram að lífgunartilraunir hafi ekki borð árangur og maðurinn var úrskurðaður látinn.
Komið hefur í ljós að gas úr borholu mun hafa farið inn á staðbundna vatnsveitu. Verið er að ljúka nauðsynlegum hreinsunarstörfum og engin hætta er á ferðum varðandi almenning. Vinnusvæðið umhverfis slysstað var rýmt og stendur sú rýming enn. Ekki er lokað fyrir almenna umferð. Neysluvatn til almennings á Suðurnesjum er í góðu lagi.
Rannsókn stendur enn yfir og er ekki unnt að veita frekari upplýsingar að svo stöddu, segir í tilkynningu.