Gylfi Már verður aðstoðardómari í lokaleik Spánar fyrir EM
![gylfi mar sigurdss](https://i1.wp.com/www.sudurnes.net/wp-content/uploads/2016/05/gylfi-mar-sigurdss.jpg?resize=620%2C264)
Gylfi Már Sigurðsson, knattspyrnudómari úr Njarðvík, mun verða aðstoðardómari í leik Spánar og Georgíu þann 7. júní næstkomandi. Leikurinn er lokaleikur spánverja í undirbúningnum fyrir EM, sem fram fer í Frakklandi um miðjan júní.
Leikurinn fer fram á Coliseum Alfonso Perez, heimavelli Getafe á Spáni og mun Gylfi Már vera Vilhjálmi Þórarinssyni til aðstoðar í leiknum ásamt Gunnari Gunnarssyni.