Yfir 1.000 umsóknir bárust Isavia um sumarstörf á Keflavíkurflugvelli
Isavia reiknar með að ráða um 350 manns í sumarstörf á Keflavíkurflugvelli, þar af um 90 manns í Fríhöfnina. Búið er að ráða í 80-85% þessara starfa og munu flestir þessara starfsmanna koma af Suðurnesjum og höfuðborgarsvæðinu.
„Þetta hefur gengið mjög vel, og mun betur en í fyrra. Við höfum fengið fjölda góðra umsókna og erum búin að ganga frá flestum ráðningum,“ segir Guðni Sigurðsson, upplýsingafulltrúi Isavia, við vef mbl.is, en um 1.000 umsóknir bárust fyrirtækinu um sumarstörf á Keflavíkurflugvelli.