United Silicon fær framlengingu á greiðslustöðvun
![united silicon](https://i1.wp.com/www.sudurnes.net/wp-content/uploads/2016/03/united-silicon.jpg?resize=620%2C264)
Héraðsdómur Reykjaness féllst í dag á beiðni United Silicon um áframhaldandi greiðslustöðvun til 22. janúar. Engin starfsemi hefur átt sér stað í verksmiðjunni frá 1. september síðastliðnum, utan þess að unnið hefur verið að endurbótum á verksmiðjunni.
Karen Kjartansdóttir, talsmaður United Silicon sagði við Vísi.is að fjárfestar hafi sýnt verksmiðjunni áhuga.
„Nú þegar þá hafa stórir alþjóðlegir aðilar lýst yfir áhuga á verksmiðjunni. Verðið á kísilmálmi hefur hækkað mikið að undanförnu þannig að vissulega gætu góð tækifæri falist í þessari verksmiðju,“ segir Karen við Vísi.