Þriggja milljarða verkefni til Reykjanesbæjar
Svandís Svavarsdóttir heilbrigðisráðherra og Kjartan Már Kjartansson bæjarstjóri Reykjanesbæjar, hafa undirritað samning um byggingu sextíu herbergja hjúkrunarheimilis, en stefnt sé að því að heimilið verði tekið í notkun 2023.
Áætluð stærð nýja hjúkrunarheimilisins er um 3900 fermetrar og áætlaður framkvæmdarkostnaður er um 2.435 milljónir króna.