Íbúafundir í Sandgerði og Garði

Stýrihópur sem vinnur að úttekt á kostum og göllum sameiningar sveitarfélaganna Garðs og Sandgerðisbæjar boðar til íbúafunda í báðum sveitarfélögunum til kynningar á niðurstöðum úttektar.

Í Sandgerði verður íbúafundur mánudaginn 29. maí í Grunnskólanum í Sandgerði og hefst kl. 20:00. Vinsamlega athugið að í dreifibréfi til íbúa kom fram að fundurinn yrði haldinn í Vörðunni en fundurinn verður í grunnskólanum.

Í Garði verður íbúafundur miðvikudaginn 31. maí í Miðgarði, sal Gerðaskóla og hefst kl. 20:30.

Dagskrá fundanna er sem hér segir:

1. Ráðgjafar KPMG kynna helstu niðurstöður greiningar varðandi sameiningu sveitarfélaganna.
2. Næstu skref.
3. Umræður.

Fundirnir eru að sjálfsögðu öllum opnir og vonandi sjá sem flestir sér fært að mæta.  Íbúar eru velkomnir á hvorn fundinn sem er.