Styrkir til smærri fyrirtækja í Grindavík

Innviðaráðuneytið og Samband sveitarfélaga á Suðurnesjum hafa undirritað samning um 50 milljóna króna stuðning við smærri atvinnurekendur í Grindavík. Stuðningurinn er ætlaður fyrirtækjum sem voru í rekstri í Grindavík 10. nóvember 2023 og eru enn starfandi með a.m.k. einn starfsmann á launaskrá.

Umsóknarfrestur rennur út 18. ágúst og verður úthlutað í byrjun september. Fjármunum verður varið til verkefna sem snúa að markaðssetningu, nýsköpun og vöruþróun. Ekki er heimilt að nýta styrki til að kaupa eignir eða greiða skuldir.