Mynd að komast á hvernig skólastarfi verður háttað
Skólastarf í grunn- og leikskólum á Suðurnesjum verður með töluvert breyttum hætti í kjölfar þess að samkomubann hefur tekið gildi, en mynd er að komast á hvernig starfinu verður háttað.
Einhver munur verður á starfseminni eftir skólum og er fólki bent á að kynna sér málin vel á heimasíðum skólanna.
Nokkur atriði úr skipulagi grunnskólanna:
- Nemendur í 1. – 6./7. bekk eru annan hvern dag í skólanum.
- Nemendur í 7./8. bekk – 10. bekk sinna sínu námi heima með aðstoð kennara í gegnum tæknina.
- Nemendur á unglingastigi fá námsefni og leiðbeiningar frá kennurum og umsjónarkennarar koma til með að vera í persónulegum samskiptum við nemendur sína eins og kostur er.
- Skólunum er skipt upp í sóttvarnarrými.
- Reynt er að skipuleggja þannig að systkini komi í skólann sömu daga.
- Gestakomur í skólann eru óheimilar og foreldrar eða aðrir gestir koma ekki inn í bygginguna.
- Valgreinar falla niður.
Nokkur atriði úr skipulagi leikskólanna:
- Helmingur barna verður samtímis í leikskólanum og systkini fylgjast að.
- Opnunartími verður frá 7:30/7:45 og lokunartími 15:00/15:15.
- Hvert barn mætir annan hvern dag eða 2 daga í röð eina vikuna og 3 aðra.
- Aðgengi foreldra inn í leikskólanum verður mjög takmarkað.
- Börn eiga ekki að koma með leikföng að heiman inn í leikskólann.
- Finni foreldri fyrir flensueinkennum er það beðið um að koma ekki inn í leikskólann.
- Hafi börn flensueinkenni svo sem kvef eru foreldrar beðnir um að halda þeim heima.
- Mjög mikilvægt er að allir leggi sig fram um að halda ró, veita öryggi og efla vellíðan.
Heimasíður grunnskólanna í Reykjanesbæ:
Akurskóli, Heiðarskóli, Holtaskóli, Háaleitisskóli, Myllubakkaskóli, Njarðvíkurskóli, Stapaskóli
Heimasíður grunnskólanna í Suðurnesjabæ:
Sandgerdisskoli.is, Gerðaskóli
Heimasíða grunnskólans í Grindavík
Heimasíða grunnskólans í Vogum