Leigðu 300 herbergi á Suðurnesjum fyrir umsækjendur um alþjóðlega vernd
Stjórnvöld tóku tæplega 300 herbergi á leigu á Suðurnesjum í tengslum við búsetu umsækjenda um alþjóðlega vernd á síðasta ári. Bæði var um að ræða hótelherbergi og herbergi í öðru húsnæði.
Þetta kemur fram í svari félags- og vinnumarkaðsráðherra við fyrirspurn frá Ásmundi Friðrikssyni alþingismanni um búsetuúrræði fyrir umsækjendur um alþjóðlega vernd. Alls tóku stjórnvöld 769 herbergi á leigu á landinu öllu, flest í Reykjavík eða 315, í Reykjanesbæ voru leigð 243 herbergi, 144 í Hafnarfirði, 52 í Suðurnesjabæ og 15 í Vestmannaeyjum.
Í svarinu kemur einnig fram að heildarkostnaður á seinasta ári var 647 milljónir króna vegna leigu á búsetuúrræðum fyrir umsækjendurna, þar með talinn er kostnaður vegna öryggiseftirlits, umsjónar húsnæðis og kaupa og viðhalds á heimilistækjum og húsgögnum.