Kröftugur skjálfti við Þorbjörn
Jarðskjálfti af stærðinni 3,9 varð um hálfsexleytið í morgun um 1 km norðvestan við Þorbjörn á Reykjanesi. Skjálftinn fannst vel í Grindavík og víðar á Suðurnesjum, að því er segir í tilkynningu frá Veðurstofunni.
Jarðskjálftahrina hófst á svipuðum slóðum eftir miðnætti.
Áfram mælist talsverð jarðskjálftavirkni á svæðinu, segir í tilkynningunni.