Klaustursspjallið: “Helvíti sæt stelpa – Hún gæti fengið eitthvað í Keflavík”

Mynd: Wikipedia

Suðurnesin og Suðurnesjaþingmenn komu við sögu í svokölluðu Klaustursspjalli nokkurra þingmanna Miðflokksins og Flokks fólksins á dögunum. Töluvert magn af áfengi var haft um hönd þegar umræðurnar fóru fram og á meðal þess sem rætt var ansi frjálslega um voru mál sem tengjast Oddnýju Harðardóttur, Samfylkingu og Silju Dögg Gunnarsdóttur, Framsóknarflokki.

Þá var gefið í skyn að kjósendur á Suðurnesjum væru grunnhyggnir og létu útlit kvenkyns framjóðenda ráða því hvar atkvæði þeirra lentu. Hér fyrir neðan má lesa brot af samtali félaganna þar sem þau mál eru rædd, en nánar er fjallað um málið á DV.is

Gunnar Bragi: „Ég held að Íris Róbertsdóttir gæti verið helvíti öflug, hún er helvíti sæt stelpa.“

Anna Kolbrún: „En er hún ekki nógu flott?

Gunnar Bragi: „ÖL!

Karl Gauti: Jú, ég þekki hana mjög vel.

…

Sigmundur: Þetta er svona móment, með því að fá einhverja unga konu. Ung kona í Sjálfsstæðisflokknum, ungt fólk og þeir hugsa: „Lyftum henni.“

Gunnar Bragi: Hún gæti fengið eitthvað í Keflavík. Bara fyrir að vera kona…

…

Hún gæti náð öðru sætinu, hún gæti náð þriðja sætinu.

….

Það sem vefst fyrir henni er að hún og hann þarna… fyrsta sætið…

– Elliði.

…Þau hatast.

Nei, Páll…

-Elliði!

Ég held að hún komi… […]

Bergþór: Nú ætla ég að segja eitt sem er mjög dónalegt.

Hún er ung, en það fellur hratt á hana.

Hún er miklu minna hot í ár heldur en hún var fyrir fjórum árum síðan.

-Í ALVÖRU?

Já.

Það er ótrúlegur munur.

Ég meina, í fjarlægð er hún mjög flott…. […]

Þau í Keflavík gætu kosið hana sko. Hún lítur flott út… […]