Tekinn við hraðakstur á brautinni – Greiddi 130.000 króna sekt á staðnum
![logreglan sekt](https://i2.wp.com/www.sudurnes.net/wp-content/uploads/2016/08/logreglan-sekt.png?resize=620%2C264)
Átta ökumenn hafa verið kærðir fyrir of hraðan akstur á undanförnum dögum í umdæmi lögreglunnar á Suðurnesjum. Sá sem hraðast ók mældist á 141 km hraða á Reykjanesbraut þar sem hámarkshraði er 90 km á klukkustund. Þarna var á ferðinni erlendur ferðamaður sem greiddi sekt sína á staðnum.
Þá voru skráningarmerki fjarlægð af fáeinum bifreiðum sem voru óskoðaðar eða ótryggðar. Loks var einn ökumaður staðinn að því að aka sviptur réttindum.