Reynslumikill markvörður til Grindavíkur
Grindavík hefur gert tveggja ára samning við markmanninn Vladan Djogatovic. Vladan er Serbi og kemur frá liðinu FK Javor í Serbíu.
Djogatovic hefur spilað 23 leiki í haust með því liði og er liðið sem stendur í efsta sæti í serbnesku fyrstu deildinni. Vladan er reynslumikill markmaður en hann hefur spilað vel á þriðja hundrað leiki í efstu deildum í Serbíu.
Knattspyrnudeildin býður Vladan velkominn til Grindavíkur segir í tilkynningu.