Einn vinsælasti veitingastaður Suðurnesja til sölu
![vitinn_uti](https://i0.wp.com/www.sudurnes.net/wp-content/uploads/2015/08/vitinn_uti.jpg?resize=620%2C264)
Veitingastaðurinn Vitinn hefur verið auglýstur til sölu. Vitinn er rúmlega 35 ára gamalt fjölskyldufyrirtæki og einn vinsælasti veitingastaðurinn á Suðurnesjum.
Vitinn er staðsettur í Sandgerði á Reykjanesi í miðjum Unesco Geopark, segir í sölulýsingu.
Staðurinn er í 7 mín aksturfjarlægð frá Keflavíkurflugvelli og frá honum er um 35 mín akstur á höfuðborgarsvæðið.
Þá er landfræðileg lega staðarins sögð einstök þar sem hægt er að sinna sérstaklega vel gestum sem eru að koma eða fara í flug og hefur þetta gjörbreyst á síðustu árum þar sem boðið hefur verið upp á miðnæturflug.
Margir gestir vilja enda dvölina í kvöldverði á Vitanum og síðustu sumur hafa gestir þurft frá að hverfa vegna þess að staðurinn er yfirbókaður. Staðnum hefur verið vel við haldið í gegnum tíðina, öll gólf er t.d. lökkuð og vernduð einu sinni á ári og innréttingar hafa verið endurnýjaðar eftir þörfum og hagkvæmi hverju sinni.