FöstudagsÁrni spáir í brjóstagjöf á þingi og Ronaldo

Hlöðver segir farir sínar ekki sléttar eftir árekstur við kanínu í Elliðaárdalnum. Hann var á hjóli og endaði í samstuði við tré. Hann er margbrotinn eftir samstuðið og fer fram á að borgin grípi inn í þar sem kanínur í borginni séu stórhættulegar reiðhjóolafólki. Ég vona að ekki verði ráðist í slátrun á kanínum, hvar á þá að stoppa? Gæsir eru orðnar spakar og hanga á göngustígum og í vegköntum og að mínu mati setur þetta skemmtilegan svip á borgarlífið,+ Spurning að hjólareiðamenn fari að nota brynjur og að sjálfsögðu hjálmana góðu og fari varlega. Óþarfi að slátra dýrum svo fólk geti hjólað hraðar.

Mikið hlýtur að vera erfitt að vera frægur. Ronaldo var staddur á dögunum í Færeyjum og setti sig í samband við eina heimasætuna. Hún spjallaði við kappann, en lak svo samtalinu í fjölmiðla. Það mjög eðlilegt á þeim tímum sem við lifum á að samskiptamiðlar séu notaðir til að kynnast, spjalla og eitthvað meira. En að vera frægur og taka áhættuna á að kynnast nýju fólki er greinilega ekki spennandi. Það vill gleymast að þessar stjörnur eru mannlegar og sækjast eftir samskiptum líka, eflaust eru samt einhverjir sem nýta frægðina til að fá það sem þeir/þær vilja. Myndi égleka ef Ronaldo myndi senda mér, nei, ekki til að byrja með, hefði drifið mig í heimsókn á hótelherbergið og haldið kjafti í von um að heyra frá honum aftur.

Margur karlmaðurinn hefur af því áhyggjur að geta ekki fyllilega sinnt þörfum eiginkonunnar. Rannsóknir hafa sýnt að það er ekki sjálfgefið að konur nái endastöð þegar tekið er riðið er á vaðið í nánum samskiptum kynjana og sumar hverjar gera sér upp leikslokin til að særa ekki mótleikarann. Nú er þetta vandamál úr sögunni. Á Hawai hefur fundist sveppur, fallegur sveppur sem hefur þau áhrif á konur að þær vart ráða við sig. Sveppurinn er eins og frygðarlyf og best að hætta að fara eins og köttur í kringum heitan graut, konur gjörsamlega fá það með látum – komist þær í tæri við sveppinn dularfulla. Mikið myndi það hjálpa til í mörgum tilfellum ef þessi sveppur myndi nú dreifa sér heimshornanna á milli. Ég er að spá í að flytja þetta fyrirbæri inn. Ég veit um nokkrar sem hreinlega eiga það skilið að fá það, svo er bara spurning hvort það sé ekki hægt að þefa eitthvað upp sem virkar jafnvel á okkur fúlu miðaldra piparkallana sem aldrei fá neitt.

Guðni Th. forseti datt í flippið í vikunni með menntskælingum. Já já forsetinn hefur rifið embættið upp á nýtt level. Það var bara lakkrísát, chillað og gert grín af því hve stór eyrun eru á forsetanum. Þetta endaði samt með óskupum þar sem forsetinn datt í blackout vegna víndrykkju. Já hver segir að það sé leiðilegt að chilla á Bessastöðum?

Í bænum Ekholt í Noregi logar allt í leiðindum. Þar hafa skólastjórnendur ákveðið að kalla jólahlaðborð nemenda vetrarhlaðborð. Þetta er gert fyrir þá nemendur sem ekki halda jólin hátíðleg. Ég vil byrja að taka það fram að ég styð trúfrelsi, að við aðstoðum og tökum á móti flóttafólki og fagna fjölbreytileikanum sem fjölmenningarþjóðfélög skapa. En ég væri ekki til í að gamlar hefðir fjari út. Jólin eru hátíð ljós og friðar, þjappar okkur saman sem fjölskyldum og vinum og færir gleði, óháð hvort fólk sé mjög trúað eða ekki. Þetta er svipað og þorláksmessuskatan yrði að kallast fiskréttardagurinn, þar sem fáir setjast niður og njóti skötunnar. Ég vona að við stöndum vörð um okkar hefðir, en um leið bjóðum alla velkomna að kynnast þeim.

Já það er ekki öll vitleysan eins, trúboðar hafa verið til vandræða í borginni í vikunni. Þau eru hingað komin til að bjarga Íslandi. Já lauslætið og samkynhneigðin á hverju götuhorni verður að stoppa. Þau greindu frá því að samkynhneigðir munu fara til helvítis, enda mikil synd, ef marka má heilögu bókina. Þá skilja þau ekki lauslætið, öll þessi börn að fæðast utan hjónabands. Konur, þið getið átt von á fyrirgefningu syndanna, eina sem þið þurfið er að kaupa sveppinn af mér, sem ég er að fara að flytja inn frá Hawai og hætta að stunda kynlíf. Allir græða, lauslæti legst af, ég verð ríkur og þið eigið greiðan aðgang að himnaríki, þetta er win – win aðstæður. Tala nú ekki um aðframkomna gaurana á djamminu, hver veit, ég gætti dottið í lukkupottinn.

Unnur Brá Konráðsdóttir, þingmaður Sjálfstæðisflokksins, braut blað í sögu Alþingis í vikunni þegar hún ávarpaði þingsal úr pontu með dóttur sína á brjósti. Atvikið hefur vakið heimsathygli og má með sanni segja að viðbrögðin hafa verið dásamleg. Nema hjá ritara Samfylkingarinnar. Óskar ritari var ekki sáttur við umræðuefnið, sem varðandi útlendinga og náði að tvinna þetta saman með neikvæðum hætti. Gilz spurði Óskar á twitter hvort hann gæti greint frá því hvaða umræðuefni konur með börn á brjósti mega ræða. Ritarinn knái brást illa við og sagði Gilz að fokka sér og hann myndi kalla hann nauðgara ef hann gæti, en vill það ekki til að sleppa við kæru. Ég er gapandi hissa að þessi ungi maður bregðist svona við. Svo er Samfylkingin undrandi á fylginu. Hvernig getur svona hegðun þótt eðlileg? Ef ég væri formaður Samfylkingarinnar færi ég fram á að þessi geðstirði karlpungur biðjist afsökunar og segi af sér.

Góða helgi