Ræða Kópavogsleiðina í lækkun fasteignaskatta á opnum fundi

Sjálfstæðisflokkurinn í Reykjanesbæ býður til málfundar, í kvöld, þriðjudaginn 7. október klukkan 19:30 á Hótel Keflavík. Ásdís Kristjánsdóttir, bæjarstjóri Kópavogs, mun segja frá því hvernig bæjarstjórn Kópavogs hefur undir forystu Sjálfstæðisflokksins tekist að lækka fasteignaskatta að raunvirði – á sama tíma og reksturinn er ábyrgur og grunnþjónustan til fyrirmyndar.

Sjálfstæðisflokknum hefur verið tíðrætt um fasteignagjöld og hækkun þeirra á þessu kjörtímabili og hefur bent á að í Keflavík og Njarðvík hafa fasteignaskattar hækkað að raunvirði um 13% á þessu kjörtímabili og um rúmlega 23% í Höfnum.

Með Ásdísi verður Margrét Sanders, oddviti Sjálfstæðisflokksins í Reykjanesbæ, sem fer yfir stöðuna í Reykjanesbæ en hún hefur – rétt eins og aðrir bæjarfulltrúar Sjálfstæðisflokksins – ávallt barist fyrir alvöru lækkun fasteignaskatta til að verja heimilin í Reykjanesbæ. Því miður hefur Samfylkingarmeirihlutinn ekki hlustað á, segir í tilkynningu.

Allir eru hjartanlega velkomnir á fundinn.