Mikill áhugi ríkir meðal ferðamanna víða um heim á að upplifa þennan einstaka atburð, og hafa ferðaskrifstofur þegar hafið sölu á sérstökum ferðum til Íslands í tengslum við almyrkvann. Þá hafa skemmtiferðaskip einnig byrjað að bóka hafnir hér á landi fyrir þennan dag.

Ef veður verður gott, verður útsýnið á almyrkvann sérstaklega gott á Reykjanesi, og var á fundinum velt því fyrir sér hvernig undirbúa megi svæðið fyrir þann mikla fjölda fólks sem búist er við. Sérstakur gestur á fundinum var Sævar Helgi Bragason, en hann hefur hlotið ýmis verðlaun fyrir framúrskarandi vísindamiðlun. Sævar kynnti fyrir fundargestum almyrkvann og ræddi þá miklu athygli sem slíkir atburðir hafa dregið að sér á öðrum stöðum í heiminum, ásamt mögulegum verkefnum sem tengjast þessu einstaka tækifæri, segir í frétt á vef Reykjanesbæjar.

Á fundinum var einnig rætt um hegðun ferðamanna, umferðaröryggi og hvernig best væri að skilgreina og undirbúa útsýnis- og ljósmyndastaði fyrir almyrkvann.

Kjartan Már Kjartansson, bæjarstjóri Reykjanesbæjar, mætti á fundinn ásamt nokkrum öðrum fulltrúum bæjarins. Ljóst er að almyrkvinn 2026 getur haft veruleg áhrif á svæðið, og er undirbúningur þegar hafinn til að taka á móti þeim gestum sem vilja upplifa þessa sjaldgæfu og stórbrotnu sjón.

Hægt er að lesa meira um almyrkvann hér: SÓLMYRKVI 2026

The post Tveggja ára undirbúningur vegna mikils áhuga ferðamanna appeared first on Local Sudurnes.

Um 260 fyrstu bekkingar eru nú að hefja grunnskólanám að þessu sinni og alls eru nemendur í grunnskólunum um 2815 sem er fjölgun um 167 nemendur frá skólabyrjun fyrir ári síðan þegar þeir voru 2648.

Flestum nemendum og foreldrum finnst gott að komast aftur í sínar venjur hausts og vetrar þó erfitt geti reynst að kveðja sumarið. Framundan eru arkandi börn um allan bæ með skólatöskur á bakinu og því eru ökumenn beðnir um að sýna sérstaka aðgát í nágrenni skóla, segir í tilkynningu.

Mynd: Reykjanesbær.is

The post Skólasetning framundan – Tæplega 3000 nemendur í grunnskólum Reykjanesbæjar appeared first on Local Sudurnes.

Í til­kynn­ingu frá Reykja­nes­bæ seg­ir að íbú­ar bæj­ar­ins vilji end­ur­gjalda sams kon­ar boð þegar heita­vatns­laust varð á Suður­nesj­um í vet­ur þegar hraun­rennsli rauf lögn­ina sem flyt­ur heitt vatn frá Svartsengi til íbúa á Suður­nesj­um.

Mynd: Reykjanesbær

The post Bjóða heitavatnslausum borgarbúum frítt í Vatnaveröld appeared first on Local Sudurnes.

Í tilkynningu frá utanríkisráðuneytinu kemur fram að Þórdís Kolbrún Reykfjörð Gylfadóttir utanríkisráðherra verði meðal annarra viðstödd á öryggissvæðinu á Keflavíkurflugvelli þegar Rauðu örvarnar leiki listir sínar á laugardag 17. ágúst. Ekki er gefin upp nákvæm tímasetning á sýningunni en fulltrúum fjölmiðla er boðið að mæta á svæðið laust fyrir klukkan 15 og áætlað að dagskrá verði lokið um klukkan 17:30.

Mynd: Red Arrows

The post Red Arrows leika listir sínar yfir KEF á laugardag appeared first on Local Sudurnes.

Afmælistónleikar verða haldnir á þaki Hljómahallar. Þar mun hljómsveitin Albatross koma fram ásamt Röggu Gísla, Friðriki Dór, Jóhönnu Guðrúnu og Sverri Bergmann. Tónleikarnir hefjast kl. 19:00. Á svæðinu verða matarvagnar. Líf og fjör fyrir alla fjölskylduna – vertu með í veislunni!

Gestir eru eindregið hvattir til að nota almenningssamgöngur, ganga eða hjóla á viðburðinn. Til upplýsinga verður bílaplan Hljómahallar lokað að þessu tilefni en hægt er að finna bílastæði t.d. við Hólagötu, Hjallaveg, bílaplaninu við Krossmóa, við Njarðvíkurkirkju og við íþróttahúsið í Njarðvík.

The post Halda tónleika á þaki Hljómahallar appeared first on Local Sudurnes.

Breytingin er liður í því að geta boðið upp á lengri opnunartíma yfir sumarmánuðina og verður opið frá klukkan 10 á morgnana í júní, júlí og ágúst. Breytingin hefur auk þess í för með sér að aðgengi skólahópa að húsunum eykst en næsta vetur geta þeir komið í hús frá kl. 08:30 á morgnana.

The post Breyttur opnunartími í Duus safnahúsum appeared first on Local Sudurnes.

Viðburðurinn hefst klukkan 20 og munu Jakob Frímann Magnússon, Bragi Valdimar Skúlason og Páll Óskar Hjálmtýsson taka til máls sú þess sem nemendur Tónlistarskóla Reykjanesbæjar flytja tónlist við hæfi og hljómsveitin Nostalgía kemur fram.

Ákvörðun meirihlutans mun hafa slæmar afleiðingar fyrir menninguna hér í bæ sem og hafa neikvæð áhrif á aðila í verslun og þjónustu, segir í tilkynningu. Þá mun þessi ákvörðun einnig koma til með að þrengja að starfsemi Tónlistarskóla Reykjanesbæjar og almennri starfsemi í Hljómahöll.

Þá segir að lítil sem engin sátt sé um það að flytja bókasafnið í sjálfa Hljómahöllina. Við munum því koma saman, eiga góða stund og hvetja meirihlutann til að falla frá ákvörðun sinni.

The post Mótmæla flutningi bókasafns í Hljómahöll appeared first on Local Sudurnes.

Mál er varða hávaða og slæma umgengni við skemmtistaði við Hafnargötu hafa verið lengi í vinnslu og nokkrum sinnum hafa slík mál ratað inn á borð bæjarráðs án þess að mikill árangur hafi náðst í að finna lausnir.

The post Paddy’s-ónæði til umræðu hjá bæjarráði á ný appeared first on Local Sudurnes.

“Snemma árs fengum við hjá Grindavíkurbæ símtal frá formanni Sjómannadagsráðs þar sem hann bauð okkur um borð ef svo má að orði komast, þar sem ljóst var að ekki gæti orðið að hátíðarhöldum í bænum okkar. Við þurftum ekki langan umhugsunarfrest og þáðum boðið og því geta Grindvíkingar og landsmenn allir notið Sjóarans síkáta í ár eins og undanfarin 26 ár”, segir Eggert Sólberg Jónsson, sviðsstjóri frístunda- og menningarsviðs Grindavíkur, í tilkynningu.

“Við ætlum að tjalda öllu til og taka vel á móti heiðursgestum sjómannadagsins 2024, Grindvíkingum, sem nú fá heimaskjól fyrir Sjóarann síkáta við höfnina á Granda. Þegar þeir þáðu boðið hlýnaði í mínum hjartarótum enda hafa þeir gert sjómannadeginum einstaklega hátt undir höfði í fjölda ára og haldið veglega 3ja daga veislu í bænum, sjómönnum til heiðurs”, segir Aríel Pétursson, formaður Sjómannadagsráðs.

The post Sjóarinn síkáti í höfuðborgina appeared first on Local Sudurnes.

Líkast til var um að ræða síðasta blótið í Ljónagryfjunni þar sem framkvæmdir við nýtt íþróttahús Njarðvíkur eru á lokametrunum.

Njarðvíkingar hafa birt flott myndasafn frá blótinu á heimasíðu sinni sem má skoða með því að smella hér 

The post Alvöru stemmari á Njarðvíkurblóti – Myndasafn! appeared first on Local Sudurnes.

Listasafn Reykjanesbæjar býður öll velkomin á sýninguna, Afbygging stóriðju í Helguvík, sem er verk í vinnslu og unnið í samstarfi og samtali Libiu & Ólafs við Töfrateymið, Andstæðinga stóriðju í Helguvík, aðra umhverfisverndarsinna, hagfræðing, íbúa Reykjanesbæjar og nærsamfélaga og sýningarstjórann Jonatan Habib Engqvist.

Við mælum með því að fólk komi oftar en einu sinni yfir sýningartímann og taki þátt í samtalinu, segir í auglýsingu fyrir viðburðinn.

Sýningin er styrkt af Safnasjóði. Listamennirnir eru styrktir af Myndlistarsjóði og Myndstef.

Afbygging stóriðjunnar í Helguvík stendur til sunnudagsins 28. apríl 2024.

Libia Castro & Ólafur Ólafsson hófu samstarf sitt í Hollandi árið 1997. Þau vinna þverfagleg samvinnuverkefni; með vídeó, ljósmyndun, hljóðskúlptúr og margmiðlunar innsetningar. Libia & Ólafur fóru fyrir hönd Íslands á Feneyjartvíæringinn árið 2011. Þau hafa sýnt verk sín í almannarýmum í ólíkum borgum víða um Evrópu og haldið einkasýningar um heim allan.

Jonatan Habib Engqvist er alþjóðlegur sýningarstjóri og höfundur. Frá 2021 hefur hann starfað sem ritstjóri Ord&Bild.

The post Afbygging stóriðju í Helguvík – Opnunarhóf á laugardag appeared first on Local Sudurnes.

Gestum er velkomið að spjalla og forvitnast um leið og Elíza spilar og segir frá lögum sínum í gegnum árin allt frá Kolrössu til dagsins í dag. Með Elízu spila góðir vinir og hljómsveitafélagar, Kidda Rokk á bassa, Kalli Kolrass á trommur og Hjörtur Gunnlaugsson á gítar. Einnig er von á upprunalegum meðlimum Kolrössu sem sérstökum gestum.

Elíza Newman kom fyrst fram í sviðsljósið með hljómsveit sinni Kolrössu Krókríðandi er þær sigruðu Músiktilraunir með látum á sínum tíma og vakti hún strax athygli fyrir frumlegar lagasmíðar, kraftmikinn söng og sviðsframkomu. Hún hefur starfað við tónlist alla tíð síðan og er fjölhæfur listamaður bæði sem lagahöfundur og flytjandi.

Sem lagahöfundur hefur Elíza samið fjölda laga sem ratað hafa inn á vinsældarlista og í útvörp landsmanna í gegnum árin bæði með Kolrössu/Bellatrix og sem sóló listamaður. Hún hefur farið víða í tónlistarsköpun sinni og samið allt frá pönki til óperu til Eurovision-laga með smá stoppi á Eyjafjallajökli og nú síðast Fagradalsfjalli. Hún starfaði um árabil í London og hefur gefið út fimm plötur með Kolrössu/Bellatrix, eina með hljómsveitinni Skandinavia og fimm sóló plötur til þessa sem allar hafa hlotið lof gagnrýnenda bæði heima og erlendis. Elíza hefur spilað með fjölda listamanna í gegnum árin og má þar nefna listamenn eins og Ed Sheeran og Coldplay.

Nýjasta breiðskífa Elízu, Platan Wonder Days hefur fengið frábærar viðtökur og lof gagnrýnenda og hafa lög eins og Fagradalsfjall (you´re so pretty) og Icebergs hljómað mikið í útvarpi. Lagið Ósýnileg vakti einnig mikla athygli á síðasta ári fyrir sterk skilaboð og myndband sem tilnefnt var til íslensku tónlistarverðlaunanna 2023.

The post Elíza á Trúnó appeared first on Local Sudurnes.

Þetta kemur fram í tilkynningu á vef félagsins sem sjá má í heild hér fyrir neðan:

Félagið er nú að ráðast í það stóra verkefni að útbúa gott hundagerði fyrir lausagöngu hunda. Það hefur tilfinnanlega vantað gott svæði þar sem bestu vinir okkar geta hlaupið um frjálsir og óheftir. Reykjanesbær hefur sýnt félaginu þann velvilja að leggja því til land, um 6.000 m2, við æfingasvæði Njarðvíkur bak við Reykjaneshöllina.

Hvutti mun nú leggja sig fram um að byggja upp gott og stórt aflokað gerði. Svæðið er vel staðsett innan bæjarfélagsins og er öll aðkoma að því mjög góð og gnægð bílastæða. Það er stór draumur um að svæðið verði með fjölbreyttum leiktækjum fyrir bæði tví- og ferfætlinga, lýsingu á svæðinu og góð skýli þar sem fólk getur setið til skjóls fyrir veðri og vindum. Göngustígar verða gegnum grassvæði sem verður með litlum hæðum og hólum.

Þetta eru töluverðar framkvæmdir og kosta þær líka skildinginn og þyggur félagið alla þá aðstoð sem býðst til að hundagerðið geti orðið að virkilega aðlaðandi stað til að vera á með vinunum í frjálsum leik. Teikningar af svæðinu eru tilbúnar og verða kynntar á nýju ári.

Hjólastólaaðgengi verður haft gott svo að sem flestir geti notið svæðisins með sínum bestu vinum.

The post Byggja 6000 fermetra hundagerði appeared first on Local Sudurnes.

Annað svæðið sem notað hefur verið er mjög nærri mannvirkjum og matvælaframleiðslu ásamt því að vera geymslusvæði fyrir efni í sjóvarnir og á hinu svæðinu er mikil nálægð við nýja íbúðarbyggð, segir í tilkynningu, en þar segir jafnframt að eftir ítarlega skoðun hafi verið ljóst að ekki væri hægt að vera með brennu í þéttbýlinu í Sandgerði nálægt þeim stað sem flugeldasýningin verður eða við höfnina í Sandgerði.

Í stað þess að vera með áramótabrennu verður boðið upp á að mynda kyndlaröð við Sjávargötu á móti flugeldasýningunni. Kyndlar verða í boði Suðurnesjabæjar og verða afhentir á Sjávargötu til móts við smábátahöfnina þegar að flugeldasýningin fer fram klukkan 20.00 á gamlárskvöld í Sandgerði.

Veðuraðstæður verða vonandi hagstæðar fyrir þennan skemmtilega viðburð og eru íbúar hvattir til að taka þátt og tendra saman á kyndlum á meðan flugeldasýning fer fram. Kyndlar verða afhentir 18 ára og eldri við Sjávargötuna í Sandgerði frá klukkan 19:45 á gamlárskvöld.

Á nýju ári mun ferða,- safna- og menningarráð taka til skoðunar framtíðarfyrirkomulag á áramótabrennum í Suðurnesjabæ, segir í tilkynningunni.

Hér fyrir neðan má sjá gönguleiðina:

The post Kyndlaganga þar sem brennusvæði uppfylla ekki kröfur appeared first on Local Sudurnes.

Gott aðgengi er að brennunni á bíl og hægt er að leggja bílum til dæmis við skemmuna neðan við Skipholt, segir í tilkynningu á vef sveitarfélagsins. Brennan hefst kl. 20:30 þann 31. desember.

Staðsetningin er merkt á myndinni hér fyrir neðan með rauðu X.

The post Áramótabrenna á Ströndinni appeared first on Local Sudurnes.