Mótshaldarar segja að öllu verði tjaldað til á þessum tímamótum og að allir fái fyrirtaks körfubolta- og fjölskylduhátíð þessa helgi í Reykjanesbæ.

Í ljósi stöðunnar varðandi Covid 19 veirunnar eru leikmenn þó hvattir til þess að sleppa handaböndum fyrir og eftir leiki og notast frekar við “klesst’ann.” Leikmenn eru einnig hvattir til þess að þvo hendur fyrir og eftir leiki.

The post Klesst’ann í stað handabanda á Nettómóti appeared first on Local Sudurnes.

Þetta kemur fram á vef stofnunarinnar, en þar segir að óvissustig sé á Reykjanesbraut og gildir það til klukkan 17 í dag. Komi til lokunar verði slíkt framkvæmt með mjög stuttum fyrirvara.

The post Reykjanesbraut gæti verið lokað með stuttum fyrirvara appeared first on Local Sudurnes.

Myndbandið sem ljósmyndarinn birti á efnisveitunni Vimeo í morgun er tekið með dróna víðsvegar á Reykjanesi. Sjón er sögu ríkari og því tilvalið að skoða myndbandið hér fyrir neðan.

Northern Lights shot with a Drone from O Z Z O Photography on Vimeo.

The post Norðurljósin léku listir sínar í nótt – Stórkostlegt myndband frá OZZO appeared first on Local Sudurnes.

Starfsmenn ÍAV lögðu niður störf við kísilver United Silicon um miðjan júlí vegna þessa og sagði Sigurður Ragnarsson forstjóri ÍAV, að fyrirtækið ætti um milljarð króna útistandandi hjá United Silicon og að hann grunaði að fyrirtækið ætti ekki fyrir framkvæmdinni.

„Allt í allt þá eigum við útistandandi hátt í þúsund milljónir hjá þeim. Mig grunar einfaldlega að þeir eigi ekki fyrir framkvæmdinni.“ Sagði Sigurður við Vísi.is.

Magnús Garðarsson framkvæmdastjóri United Silicon hér á landi og einn eigenda verksmiðjunnar, sagði við sama miðil að fyrirtæki sitt hafi staðið við allar greiðslur til ÍAV.

„Við riftum samningnum við ÍAV í gær þar sem þeir stóðu ekki við sinn hluta.“ Sagði Magnús um miðjan júlí.

Að sögn Magnúsar hefur hans fyrirtæki staðið við sinn hluta samkomulags aðila. United Silicon hafi greitt alla reikninga og að auki hafi ÍAV greiðsluábyrgð frá banka fyrirtækisins.

Óska mögulega aðstoðar lögreglu við að sækja byggingarefni

Forsvarsmenn ÍAV telja sig eiga búnað og byggingarefni á vinnusvæði United Silicon, sem þeir skyldu eftir þegar starfsmenn fyrirtækisins lögðu niður störf um miðjan júlí og telur forstjórinn mögulegt að leitað verði aðstoðar lögreglu við að sækja þann búnað.

„Þeir meinuðu okkur aðgang að vinnusvæðinu svo við gætum ekki tekið allar eigur okkur. Við höfum ekki enn fengið þann búnað og svo gæti farið að lögreglan verði fengin til að aðstoða okkur við að ná honum,“ segir Sigurður R. Ragnarsson, forstjóri ÍAV, við DV þann 5. ágúst síðastliðinn.

Hóta verktökum atvinnumissi vinni þeir fyrir United Silicon

Verksmiðja United Silicon er tilbúin að stærstum hluta og stefnt er að því að framleiðsla hefjist í lok mánaðarins og enn eru iðnaðarmenn að störfum, að hluta til fyrrum undirverktakar ÍAV.

Nokkrir verktakar sem Suðurnes.net hefur rætt við segja að ÍAV hafi gefið í skyn að þeir fengju ekki vinnu hjá fyrirtækinu, sem er eitt stærsta verktakafyrirtæki landsins, ynnu þeir fyrir United Silicon við lokafrágang verksmiðjunnar.

„Já, það er rétt að mitt fyrirtæki fékk þau skilaboð að mögulega fengjum við ekki að vinna fyrir ÍAV í framtíðinni, ef við myndum vinna við verksmiðjuna. Það er ömurlegt að lenda á milli í svona deilum.“ Sagði forsvarsmaður fyrirtækis, sem ekki vildi láta nafn síns getið þar sem mikið væri undir hjá fyrirtækinu, í samtali við Suðurnes.net.

Forstjóri ÍAV, Sigurður Ragnarsson og framkvæmdarstjóri United Silicon, Magnús Garðarsson, svöruðu ekki fyrirspurnum Suðurnes.net vegna málsins.

The post Frá A-Ö: Deilurnar harðna í Helguvík appeared first on Local Sudurnes.

Ef litið er á málaskrá og fyrirspurnaskrá þingmanna á vef alþingis kemur í ljós að fáar tillögur og fyrirspurnir Suðurnesjaþingmanna snúa beint að málefnum sveitarfélaga á Suðurnesjum, þó hafa þeir flestir barist fyrir flutningi Landhelgisgæslu Íslands til Suðurnesja.

Ásmundur berst fyrir bættum samgöngum til Eyja

Ásmundur Friðriksson hefur ekki verið fyrsti flutningsmaður að neinu málefni sem snýr beint að Suðurnesjum, hann hefur þó barist ötullega fyrir bættum samgöngum til og frá Vestmannaeyjum og verið áberandi í umræðum um innflytjendamál.

Ásmundur hefur í gegnum árin verið meðflutningsmaður að tillögu um flutning Landhelgisgæslu Íslands til Keflavíkurflugvallar. Hann hefur líkt og aðrir þingmenn kjördæmisins tekið virkan þátt í umræðum um tvöföldun Reykjanesbrautar, eftir stofunum „Stopp – Hingað og ekki lengra hópsins!“

Oddný vildi efla atvinnu og samfélag á Suðurnesjum

Oddný G. Harðardóttir hefur setið á þingi síðan 2009 og var fjármála- og efnahagsráðerra frá 2011-12, hún lagði meðal annars fram þingáætlunartillögu um eflingu atvinnu og samfélags á Suðurnesjum, árið 2014. Lítið hefur heyrst í Oddnýju varðandi tvöföldun Reykjanesbrautar, en hún var fyrsti flutningsmaður að tillögu um heimild til að fjármagna gerð jarðganga undir Vaðlaheiði.

Á þeim sjö árum sem Oddný hefur setið á þingi hefur hún lagt fram fjölda fyrirspurna um fjárhagsvanda Reykjanesbæjar og íbúa á Suðurnesjum, þá hefur hún einnig lagt fram fjölda fyrirspurna um málefni Helguvíkurhafnar.

Páll Jóhann vill innanlandsflugið til Keflavíkur

Páll Jóhann Pálsson, hefur verið meðflutningsmaður að tveimur tillögum sem snúa beint að Suðurnesjum, tillögu að flutningi Landhelgisgæslu Íslands til Keflavíkurflugvallar og tillögu um skoðun á kostnaði við flutning innanlandsflugs til Keflavíkurflugvallar.

Flestir þingmenn svæðisins vilja Landhelgisgæsluna til Suðurnesja

Páll Valur vill Landhelgisgæsluna til Suðurnesja

Páll Valur Björnsson hefur verið áberandi í umræðum um málefni fatlaðra og barna og lagt fram fjölda fyrirspurna um málefni tengd högum þeirra, lítið hefur þó farið fyrir Páli í málum sem snúa beint að Suðurnesjum, utan þess að hann var meðflutningsmaður að tillögu um flutning Landhelgisgæslunnar til Suðurnesja.

Ragnheiði hefur orðið lítið ágengt í Helguvíkurmálum

Ragnheiður Elín Árnadóttir er Iðnaðar- og Viðskiptaráðherra í ríkisstjórn Íslands og án efa valdamesti Suðurnesjamaðurinn á þingi, hún hefur þó lítið beitt sér fyrir svæðið að öðru leiti en því að hún hefur undanfarið tekið virkan þátt í umræðu um tvöföldun Reykjanesbrautar – Þó ekki, að neinu marki, fyrr en eftir stofnun „Stopp – Hingað og ekki lengra!“ hópsins.

Ragnheiður Elín hefur einning barist fyrir uppbyggingu í Helguvík, sú barátta hefur þó skilað litlu til hafnarinnar, sem berst í bökkum um þessar mundir. Hún og aðrir þingmenn hafa verið gagnrýndir af sveitarstjórnarmönnum á Suðurnesjum fyrir að sýna þessum málum lítinn áhuga.

Lítið hefur gengið í málefnum hafnarinnar

Fánalög og tæknifrjóvganir hafa verið helstu baráttumál Silju Daggar

Silja Dögg Gunnarsdóttir hefur verið áberandi í umræðum um flutning Landhelgisgæslunnar til Suðurnesja en hún er fyrsti flutningsmaður tillögunnar, Silja Dögg hefur  verið mest áberandi í umræðum um fánalög og aukinn stuðning við tæknifrjóvganir. Silja Dögg hefur verið ötul við að leggja fram fyrirspurnir á alþingi er snúa að málefnum sem tengjast Suðurnesjasvæðinu og þá helst að málum er snúa að starfsemi á Keflavíkurflugvelli.

Vilhjálmur barist fyrir einkavæðingu Fríhafnar og sölu áfengis í verslunum

Vilhjálmur Árnason hefur verið áberandi í umræðunni um sölu áfengis í verslunum og meðal annars lagt fram frumvarp þess efnis, hann hefur einnig verið áberandi í umræðu um einkavæðingu Fríhafnarinnar í Flugstöð Leifs Eiríkssonar, sem hann er fylgjandi.

Vilhjálmur er eini þingmaðurinn af Suðurnesjum sem á sæti í Umhverfis- og samgöngunefnd, sem sendi frá sér nefndarálit þess efnis að tvöföldun Reykjanesbrautar ætti heima í núverandi samgönguáætlun, það gekk þó ekki eftir.

Vilhjálmur hefur verið áberandi í umræðum um tvöföldun Reykjanesbrautar undanfarin misseri, eins og flestir aðrir þingmenn svæðisins.

Flestir ætla að bjóða sig fram aftur

Páll jóhann Pálsson mun ekki bjóða sig fram aftur til setu á alþingi, en hann hefur setið á þingi síðan 2013. Silja Dögg Guðmundsdóttir sagðist í samtali við Suðurnes.net í júní síðastliðnum ætla að bjóða sig fram aftur. Það sama sagði Ásmundur Friðriksson í spjalli við blaðamann, hann sagðist vera að skoða af fullri alvöru að bjóða sig fram gegn Ragnheiði Elínu í oddvitasætið.

Fram kom í umfjöllun Morgunblaðsins að Vilhjálmur Árnason hyggðist bjóða sig fram á ný. Oddný Harðardóttir var á dögunum kjörinn formaður Samfylkingarinnar, það má því fastlega gera ráð fyrir því að hún gefi kost á sér til þingsetu á ný. Grindvíkingurinn Páll Valur Björnsson situr á þingi fyrir Bjarta framtíð, ekki er vitað hvort hann muni bjóða sig fram á ný, en skoðanakannanir hafa sýnt að flokkurinn á undir högg að sækja um þessar mundir og ólíklegt verður að teljast að Páll næði kjöri.

The post Frá A-Ö: Suðurnesjaþingmenn lítið beitt sér fyrir svæðið – Flestir vilja á þing aftur appeared first on Local Sudurnes.

Kaffitár var á meðal þátttakenda í áðurnefndu forvali, en fyrirtækið varð ekki fyrir valinu og var tveimur veitingastöðum fyrirtækisins í Flugstöð Leifs Eiríkssonar lokað í janúar 2015, þegar samningur fyrirtækisins við Isavia rann út. Forsvarsmönnum Kaffitárs þótti að fyrirtækinu vegið og óskuðu í kjölfarið eftir gögnum um forvalið.

Isavia rekur alla flugvelli landsins

Isavia neitar að afhenda gögn vegna loforða um trúnað

Kaffitár óskaði eftir gögnum um forvalið í ágúst 2014. Í september 2014 hafnaði Isavia beiðni Kaffitárs um að afhenda umbeðin gögn, þar sem fyritækið mæti stöðuna þannig að umbeðin gögn vörðuðu mikilvæga fjárhags- eða viðskiptahagsmuni þátttakenda í forvalinu, enda hafi fyrirtækið tekið fram í gögnum forvalsins að þátttakendum hafi verið lofað fullum trúnaði um gögn forvalsins. Í tilkynningu sem Isavia sendi frá sér vegna málsins kemur fram að allir þátttakendur í forvalinu hafi samþykkt fyrirkomulagið.

Þetta sættu stjórnendur Kaffitárs sig ekki við og kærði fyrirtækið þessa ákvörðun í október 2014 til úrskurðarnefndar um upplýsingamál.

Allir dómar og úrskurðir hafa fallið Kaffitári í vil

Í málarekstri Kaffitárs gegn Isavia ohf. hafa sjö dómar eða úrskurðir fallið, nú síðast í júní síðastliðnum úrskurðaði Héraðsdómur Reykjavíkur að Isavia bæri að afhenda Kaffitár gögnin. Í öllum tilfellum hefur kröfum eða málatilbúnaði Isavia verið hafnað og hefur fyrirtækið verið dæmt til að greiða málskostnað Kaffitárs að hluta.

Dóma og úrskurði sem tengjast málum fyrirtækjanna má finna á vefsvæðum Úrskurðarnefndar um upplýsingamál, Héraðsdóms Reykjaness, Hæstaréttar og Héraðsdóms Reykjavíkur.

Verksmiðja Kaffitárs í Reykjanesbæ

Gögnin afhent – Samkeppniseftirlitið skerst í leikinn

Samkeppniseftirlitið sendi aðilum málsins bréf þann 8. júlí síðastliðinn. Þar kom fram að gögnin innihéldu það viðkvæmar upplýsingar að afhending þeirra gæti falið í sér brot á samkeppnislögum. Samkeppniseftirlitið mælti því með því að fyrirtækin leituðu sátta, þrátt fyrir niðurstöðu Héraðsdóms Reykjavíkur í málinu.

Svo fór að Isavia afhenti gögnin þann 15. júlí síðastliðinn. Í tilkynningu sem fyrirtækið sendi frá sér í kjölfarið kemur fram að fyrirtækið hafi sent gögnin frá sér þrátt fyrir að Samkeppniseftirlitið hafi varað við því að Isavia gæti gerst brotlegt við samkeppnislög með afhendingu gagnanna, samkvæmt tilkynningunni taldi fyrirtækið sér ekki annað stætt en að verða við úrskurði héraðsdóms.

Þá segir í tilkynningunni að fyrirtækið hafi ekki haft neinna hagsmuna að gæta í málinu, annarra en þeirra að fara eftir lögum og eðlilegum viðskiptaháttum.

“Gögnin sem um ræðir snúast ekki um Isavia heldur um fyrirtæki sem tóku þátt í samkeppni um veitingarekstur í Flugstöð Leifs Eiríkssonar. Isavia hefur ekki haft neinna hagsmuna að gæta í málinu, annarra en þeirra að fara eftir lögum og eðlilegum viðskiptaháttum. Niðurstaða forvalsins var eingöngu byggð á viðskiptalegum forsendum.” Segir í tilkynningu Isavia.

Málið hefur kostað fyrirtækin milljónir króna

Lögfræðikostnaður fyrirtækjanna stendur í milljónum króna, Aðalheiður Héðinsdóttir, forstjóri Kaffitárs, sagði í viðtali við DV.is um miðjan júní að kostnaður fyrirtækisins vegna lögfræðiþjónustu næmi 5,6 milljónum króna, þá væri ótalin sú vinna og tími sem stjórnendur fyrirtækisins hafi lagt í málið. Fyrirtækið stofnaði bakarí og var stærð þess meðal annars ákveðin með viðskiptin í Flugstöð Leifs Eiríkssonar í huga.

„Áður en umsókn okkar um pláss í flugstöðinni var hafnað vorum við svo bjartsýn að við stofnuðum bakarí, Kruðerí, en tekjur þess drógust náttúrulega saman um 50% þegar við fórum úr Leifsstöð.” Segir Aðalheiður í viðtalinu við DV.is.

Ekki fengust svör um kostnað Isavia vegna málsins, þegar eftir þeim var leitað, en gera má ráð fyrir að lögfræðikostnaður fyrirtækisins sé engu minni en Kaffitárs, þá hefur fyrirtækið að minnsta kosti tvisvar sinnum verið dæmt til að greiða málskostnað Kaffitárs, fyrir héraðsdómi og hæstarétti, samtals að upphæð 1.350.000 krónur.

Málinu ekki lokið þó gögnin hafi verið afhent

Málinu virðist þó hvergi nærri lokið, en Vísir.is greindi frá því að Kaffitár skoðaði möguleika á að fara í skaðabótamál við Isavia ef mikill meinbugur væri á stigagjöf í forvalinu og gögnunum. Kaffitár er ekki eina fyrirtækið sem íhugar skaðabótamál, samkvæmt Vísi eru að minnsta kosti tvö önnur fyrirtæki sem íhuga skaðabótamál gegn Isavia og þá vegna tjóns sem afhending gagnanna til Kaffitárs kann að hafa í för með sér, en Isavia hafði heitið trúnaði um þau gögn sem fyrirtæki skiluðu inn.

Hér fyrir neðan er að finna tengla á fyrri umfjallanir Suðurnes.net um málið:

Kaffitár íhugar að stefna Isavia vegna gagna

Isavia afhendir ekki gögn í Kaffitársmáli

Kaffitár óskar aðstoðar Sýslumanns

Hagnaður Kaffitárs lækkar mikið

Isavia hefur afhent gögn í forvalsmáli

The post Forvalsmálið frá A-Ö: Hefur kostað Kaffitár og Isavia milljónir króna appeared first on Local Sudurnes.