Vilja að einkaaðilar sjái um verslunarþjónustu í Leifsstöð
Viðskiptaráð telur að leggja ætti Fríhöfnina niður og eftirláta einkaaðilum að sjá um verslunarþjónustu í Flugstöð Leifs Eiríkssonar. Telur Viðskiptaráð að breytingarnar myndu leiða til aukinna hagkvæmni í verslunarrekstri hérlendis, draga úr samkeppni ríkisins við einkaaðila á smásölumarkaði og auka veltu í innlendri verslun. Þá telur Viðskiptaráð einnig að leggja ætti komuverslun flugstöðvarinnar niður.
Í frumvarpi sem Bjarni Benediktsson fjármálaráðherra hefur lagt fram á alþingi er lagt til að við núverandi lagaákvæði tollalaga, þar sem segir að komuverslun skuli eingöngu aðgengileg fyrir farþega og áhafnir sem komi til landsins bætist eftirfarandi málsgrein: „Óheimilt er að bjóða öðrum vörur verslunarinnar til sölu.“ Segir á vef mbl.is.