Nýjast á Local Suðurnes

Styrkja framþróun menntunar og eflingu íslensks atvinnulífs – Opið fyrir umsóknir

Rannsóknasjóður Viðskiptaráðs Íslands er nú opinn fyrir styrkumsóknir. Sjóðurinn var stofnaður árið 2014 og veitir árlega styrki til einstaklinga vegna rannsókna og nýsköpunar tengdum framþróun menntunar og eflingu íslensks atvinnulífs.

Nánari upplýsingar má nálgast hér

Styrkjunum er ætlað að auka samkeppnishæfni Íslands með því að efla rannsóknir og nýsköpun sem nýtast íslensku menntakerfi eða atvinnulífi. Styrkirnir eru bundnir við verkefni sem styðja við eftirfarandi markmið:

  • Auka skilvirkni og gæði íslensks menntakerfis
  • Eflingu þekkingar á forsendum aukinnar verðmætasköpunar íslensks atvinnulífs

Valnefnd Rannsóknasjóðs skipa Eggert Benedikt Guðmundsson, Gísli Hjálmtýsson og Ragnhildur Geirsdóttir.

Það er um að gera fyrir þá sem hafa áhuga að sækja um sem fyrst því umsóknarfrestur er til og með 21. ágúst.