Reykjanesbær og Skólamatur semja til þriggja ára

Reykjanesbær hefur gert samning við Skólamat um framleiðslu og framreiðslu á mat fyrir leikskólann Hjallatún en Skólamatur hefur frá því snemma í vor sinnt þessari þjónustu í forföllum matráðs. Skólamatur mun sjá um mat fyrir nemendur og starfsfólk ásamt samantekt að máltíðum loknum.

Samningstíminn er jafnlangur og samningur Reykjanesbæjar og Skólamatar ehf. um framleiðslu máltíða fyrir grunnskóla í Reykjanesbæ sem gerður var í maí 2017 til þriggja ára með ákvæðum um að hægt sé að framlengja tvisvar sinnum eitt ár í senn.