U17 landsliðið vann UEFA-mót í Finnlandi – Ísak Óli með sigurmarkið
Íslenska U17 landsliðið í knattspyrnu, tryggði sér í dag sigur á alþjóðlegu móti á vegum UEFA í Finnlandi með því að sigra heimamenn með tveimur mörkum gegn engu. Birkir Heimisson og Keflvíkingurinn Ísak Ólafsson skoruðu mörkin á fyrsta hálftímanum.
Íslensku strákarnir unnu Svía, 3-2, í fyrstu umferðinni og eru með 6 stig fyrir lokaumferðina, Finnar 3, en Svíar og Rússar eitt stig hvort lið. Vegna sigursins á Finnum í dag er efsta sætið í höfn, sama hvernig fer í lokaumferðinni á miðvikudag þegar Íslands mætir Rússlandi.
Tveir Suðurnesjadrengir eru í U17 landsliðinu, Brynjar Atli Bragason, markvörður úr Njarðvík og Ísak Óli Ólafsson sem leikur með Keflavík.