Samúel Kári og Arnór Ingvi í landsliðshópnum – Ingvar meiddur

A landslið karla fer til Indónesíu í byrjun janúar næstkomandi og leikur þar tvo leiki við heimamenn. Heimir Hallgrímsson, landsliðsþjálfari, hefur tilkynnt hvaða leikmenn munu taka þátt í verkefninu, en hann fer með 23 manna hóp út.

Suðurnesjamennirnir Arnór Ingvi Traustason og Samúel Kári Friðjónsson munu væntanlega taka þátt í leikjunum tveimur, en markvörðurinn Ingvar Jónsson var ekki valinn í hópinn að þessu sinni þar sem hann á við meiðsli að stríða.

Leikirnir fara fram 11. og 14. janúar og fara fram utan við alþjóðlega landsleikjadaga FIFA.

Indónesía er sem stendur í 154. sæti heimslista FIFA og fór upp um 11. sæti í nýjustu útgáfu hans. A landslið karla og Indónesía hafa aldrei mæst áður á knattspyrnuvellinum.