Öruggur Njarðvíkursigur í grannaslag
Njarðvíkingar tóku granna sína úr Grindavík í kennslustund í körfuknattleik þegar liðin mættust í Ljónagryfjunni í kvöld. Njarðvíkingar réðu ferðinni allan leikinn og lönduðu öruggum 26 stiga sigri, 101-75.
Sóknarleikur Grindvíkinga var afar slappur í fyrri hálfeik en þeir skoruðu einungis 25 stig á þessum fyrstu 20 mínútum og var staðan að honum loknum 54-25. Þrátt fyrir batamerki á leik Grindvíkinga í síðari hálfleik var öruggur sigur Njarðvíkinga aldrei í hættu.
Mynd: Kkd Njarðvíkur.