Njarðvík áfram í Maltbikarnum eftir sigur á Grindavík
Njarðvíkingar eru komnir áfram í átta liða úrslit í Maltbikarnum í körfuknattleik karla eftir sigur á Grindavík í háspennuleik í Ljónagryfju Njarðvíkinga í kvöld. Njarðvíkingar skoruðu 79 stig gegn 75 stigum gestanna.
Leikurinn var jafn og spennandi allan tímann og skiptust liðin á að hafa forystuna, en úrslitin réðust á vítalínunni þegar Logi Gunnarsson setti tvö víti niður þegar 1,8 sekúndur lifðu leiks.
Hjá Njarðvík var Terrell Vinson atkvæðamestur með 25 stig, Maciek Baginski kom næstur með 17 og Logi Gunnarsson skoraði 16, þar af 13 í fjórða leikhluta.
Ólafur Ólafsson skoraði mest Grindvíkinga í leiknum, 21 stig, Dagur Kár Jónsson skoraði 17 og átti 9 stoðsendingar að auki og Sigurður Gunnar Þorsteinsson skoraði 16 stig.