Guðjón Árni leggur skóna á hilluna
Bakvörðurinn reyndi Guðjón Árni Antoníusson leikur ekki með Keflavík í Inkasso-deildinni í knattspyrnu í sumar. Guðjón hefur samkvæmt áreiðanlegum heimildum Morgunblaðsins ákveðið að leggja skóna á hilluna.
Guðjón er á 34. aldursári og á að baki 203 leiki í efstu deild með Keflavík og FH og er áttundi leikjahæsti Keflvíkingurinn í deildinni frá upphafi með 170 leiki fyrir félagið. Guðjón lék einn A-landsleik fyrir Ísland.