Grindavík í toppbaráttu - Lögðu KR í Vesturbænum í kvöld - Local Sudurnes
Andri Rúnar Bjarnason var hetja Grindvíkinga þegar þeir mættu KR-ingum í Vesturbæ Reykjavíkur í Pepsí-deildinni í knattspyrnu í kvöld. Andri Rúnar skoraði eina mark leiksins úr vítaspyrnu á 88. mínútu. KR-ingar voru sterkari aðilinn í kvöld, þeir sóttu mun meira nær allan leikinn, en Grindvíkingar voru þó hættulegir í sínum sóknaraðgerðum. Kristijan Jajalo markvörður Grindvíkinga var öflugur í kvöld, en hann varði meðal annars vel tvo hörkuskalla eftir hornspyrnur í síðari hálfleik. Grindvíkingar fengu eins og áður segir vítaspyrnu á 88. mínútu þegar Andri Rúnar Bjarnason virtist togaður niður í teignum. Hann fór sjálfur á vítapunktinn og skoraði en litlu munaði að markvörður KR næði að verja. Grindavík er nú með 13 stig í þriðja sæti deildarinnar, jafn mörg stig og Stjarnan og Valur, en aðeins lakara markahlutfall. Meira frá SuðurnesjumDýrmæt stig í súginn hjá NjarðvíkingumReynir Sandgerði á góðri siglingu – Unnu sinn þriðja leik í röðMark á 97. mínútu hélt Þrótti á toppnum í 4. deildinniGrindavík jafnaði í uppbótartíma – Enn í öðru sæti deildarinnarTap hjá Keflavík – Njarðvík á toppinnÞróttarar sprungu á limminu í síðari hálfleik og eru úr leik í bikarnumStórt tap hjá Grindavík í GarðabæSuðurnesjaliðin í Dominos-deildinni: Tveir sigrar og eitt tap – Logi í miklu stuðiNjarðvík náði [...]