Knattspyrnudeild Njarðvíkur og einn helsti stuðningsaðili deildarinnar, Rafholt, hafa ákveðið að bjóða þeim fjölmörgu aðilum sem hafa stutt deildina síðustu daga í Facebook leik deildarinnar á toppslag Njarðvíkur gegn Magna frá Grenivík í kvöld kl. 18:30. Facebook leikurinn hefur vakið verðsluldaða athygli og hafa hundruðir aðila hérlendis sem erlendis sett inn athugasemdir og smelli hjá þeim sem hafa heitið á deildina. Hafa Rafholtsmenn ákveðið að bjóða þeim sem styrkt hafa Knattspyrnudeildina með þessum hætti, og lagt inn á reikning Facebook leiksins, á leikinn í kvöld. Þeir sem hafa heitið á deildina þurfa einfaldlega að segja til sín í miðasölunni á Njarðtaksvelli í kvöld. Vonast Knattspyrnudeild Njarðvíkur eftir að sem flestir mæti á völlinn og styðji Njarðvíkurliðið í baráttunni um að vinna sér sæti í 1. deild næsta sumar, segir í tilkynningu. Mikið húllum-hæ í Vogum – Frítt á völlinn! Þróttarar í Vogum bjóða einnig frítt á völlinn í kvöld, einnig í samstarfi við helstu stuðningsaðila sína, Stofnfisk og Vogabæ. Liðið er sem stendur í toppbaráttu þriðju deildarinnar og mæta þeir Vogamenn liði KF í kvöld, klukkan 18;45, í alvöru toppslag. Það verður mikið um að vera á Vogabæjarvelli í kvöld, fyrir leik, í hálfleik og eftir leik, þar sem fjölskyldudagar [...]