Arnór Ingvi í landsliðshópnum en Ingvar hvílir

Heimir Hallgrímsson, landsliðsþjálfari, hefur valið hópinn sem mætir Tyrklandi og Kósóvó í undankeppni HM 2018. Leikurinn gegn Tyrkjum fer fram í Eskisehir föstudaginn 6. október og hefst kl. 18:45 að íslenskum tíma en leikurinn gegn Kósóvó verður á Laugardalsvelli mánudaginn 9. október kl. 18:45.

Arnór Ingvi Traustason er eini Suðurnesjamaðurinn sem er í hópnum að þessu sinni, en markvörðurinn Ingvar Jónsson, sem verið hefur í hópnum undanfarin misseri víkur fyrir Rúnari Alex Rúnarssyni sem átt hefur góðu gengi að fagna með liði sínu FC Nordsjæland að undanförnu.

Uppselt er á leik Íslands og Kósóvó en, líkt og í undanförnum leikjum verður stuðningsmannasvæði á bílastæðinu fyrir framan Laugardalsvöll. Á svæðinu verða leiktæki fyrir börn og mun leikurinn sjálfur verða sýndur á risaskjá sem settur verður upp á svæðinu. Nánari upplýsingar um fyrirkomulagið á þessu verður kynnt á næstu dögum.

Hópurinn sem mætir Tyrklandi og Kósóvó er skipaður eftirtöldum leikmönnum.