Aðeins tveir Suðurnesjamenn í landsliðshópi karla
Craig Pedersen þjálfari og aðstoðarþjálfarar hans Arnar Guðjónsson og Finnur Freyr Stefánsson hafa valið þá 12 leikmenn sem skipa landsliðshópinn fyrir landsliðsgluggann í nóvember.
Liðið mun halda til Tékklands mánudaginn 20. nóvember til æfingar og dvalar fram að leik gegn heimamönnum á föstudeginum 24. nóvember. Liðið ferðast svo heim daginn eftir og mun mæta til leiks á mánudaginn 27. nóvember í Höllinni og leika gegn Búlgaríu. Auk Tékklands og Búlgaríu leika Finnar með okkur í riðli og koma þeir til Íslands í næsta glugga í seinnihluta febrúar 2018.
Einungis tveir Suðurnesjamenn eru í hópnum að þessu sinn, Logi Gunnarsson úr Njarðvík og Ólafur Ólafsson úr Grindavík. Elvar Már Friðriksson gaf ekki kost á sér í verkefni að þessu sinni, en hann stundar nám í Bandaríkjunum og NCAA er ekki undir FIBA og var vitað að hann kæmist ekki í landsliðsverkefni í vetur. Þá gaf Hörður Axel Vilbergson ekki kost á sér að þessu sinni.
Nafn | Lið | F. ár | Hæð | Landsleikir |
Brynjar Þór Björnsson | KR | 1988 | 192 | 67 |
Haukur Helgi Pálsson Briem | Cholet Basket (FRA) | 1992 | 198 | 61 |
Hlynur Bæringsson | Stjarnan | 1982 | 200 | 116 |
Jakob Örn Sigurðarson | Boras Basket (SWE) | 1982 | 190 | 85 |
Kári Jónsson | Haukar | 1997 | 192 | 5 |
Kristófer Acox | KR | 1993 | 198 | 30 |
Logi Gunnarsson | Njarðvík | 1981 | 192 | 143 |
Martin Hermannsson | Charleville (FRA) | 1994 | 194 | 56 |
Ólafur Ólafsson | Grindavík | 1990 | 194 | 20 |
Pavel Ermolinskij | KR | 1987 | 202 | 67 |
Sigtryggur Arnar Björnsson | Tindastóll | 1993 | 180 | 5 |
Tryggvi Snær Hlinason | Valencia (ESP) | 1997 | 215 | 24 |