Sólseturshátíðin í Garði hefst á mánudag
Meðal skemmtiatriða á hátíðinni verða Jón Jónsson og Amabadama
Bæjarhátíð Garðmanna, Sólseturshátíðin, hefst á mánudagskvöld með karlakvöldi í Sundlauginni í Garði og svo rekur hver viðburðurinn annan, alla næstu viku.
Fréttabréfi með dagskrá hátíðarinnar hefur þegar verið dreift í öll hús í Garðinum. Stjórn Víðis, sem er framkvæmdaraðili að hátíðinni fyrir bæjarfélagið, hefur sett upp metnaðarfulla dagskrá sem má finna hér.
Meðal skemmtiatriða á hátíðinni verða Jón Jónsson, Amabadama, María Ólafs og Hreimur and Made in sveitin. Auk þess munu fjöldinn allur af listamönnum úr Garðinum og nærsveitum stíga á svið.
Íbúar eru hvattir til að setja bæinn í hátíðarbúning með skreytingum, kynna sér dagskrána vel og vera duglegir að taka þátt í dagskrá Sólseturshátíðar, segir í frétt á heimasíðu sveitarfélagsins.