Karlakórinn Keravan Mieslaulajat heimsækir Suðurnesin næsta miðvikudag. Kórinn kemur frá Kerava í Finnlandi sem er vinabær Reykjanesbæjar. Tilefni heimsóknar kórsins til Íslands er karlakóramót sem fram fer í Hörpunni um næstu helgi. Finnski karlakórinn hafði samband við menningarfulltrúa Reykjanesbæjar sem tengdi þá við Karlakór Keflavíkur og stungu Finnarnir upp á því að halda sameiginlega tónleika með Karlakór Keflavíkur. Þeir tónleikar verða næsta miðvikudagskvöld klukkan 20:00 í Bíósal Duus-húsa. Á tónleikunum munu kórarnir flytja efni hvor af sinni efnisskrá en sameinast í tveimur lögum, einu finnsku og einu íslensku. Í tilkynningu frá Karlakór Keflavíkur segir að gaman verði að heyra hvernig svo ólík tungumál hljómi saman í munni söngmannanna. Ókeypis er inn á tónleikana. Fyrr um daginn mun Norrænafélagið í Reykjanesbæ bjóða finnsku gestunum í útsýnisferð um Reykjanesið með leiðsögn staðkunnugra úr röðum félagsmanna. Meira frá SuðurnesjumMagnús Scheving með fyrirlestur í tilefni HeilsuvikuJónsmessuganga Bláa lónsins á laugardag – Ingó Veðurguð tekur lagiðFjáröflunartónleikar Hollvina Unu í Útskálakirkju í kvöldFjölmargir gestir lögðu leið sína í réttir í roki og rigninguOpið fyrir umsóknir um sölukofa og viðburði í AðventugarðinumBrenna og flugeldasýning á þrettándagleðiBjörgunarsveitin Þorbjörn býður í tertuveislu!Ert þú næsta Rauðhetta? – Kynning hjá Leikfélagi KeflavíkurYfir 200 manns mættu í árlega göngu Bláa lónsins og [...]