Íþróttafélagið Nes fékk styrk eftir skötuveislu - Local Sudurnes
Árleg skötumessa var haldin í Gerðaskóla í Garði í gærkvöld, það er alþingismaðurinn Ásmundur Friðriksson og Sigríður Magnúsdóttir, kona hans, sem standa á bak við hana ásamt vinum og kunningjum úr Garðinum. Allur ágóði af veislunni hefur undanfarin ár runnið í málefni tengd fötluðum og á því varð engin breyting í gærkvöldi. Íþróttafélag fatlaðra, Nes fékk veglegan styrk frá Ásmundi og félögum – Mynd: Nes Um 400 manns mættu til skötuveislunnar í gær og samkvæmt heimildum Local Suðurnes söfnuðust um tvær milljónir króna sem var úthlutað til fjölda aðila þar á meðal íþróttafélagsins Nes og Hæfingarstöðvarinnar. Það þarf fleiri en einn eða tvo til að halda veislu sem þessa sagði Ásmundur í samtali við mbl.is fyrir skömmu: “Það eru margir sem leggja vinnu sína á lóðaskálarnar svo hægt sé að halda veisluna. Þannig hafi Fiskmarkaður Suðurnesja alltaf gefið skötuna, Halldór Pétursson saltfiskinn og Skólamatur ehf komið og eldað og lagt til plokkfisk. Kristjánsbakarí sér um rúgbrauðið, Forsæti um kartöflur og Hrafnkell Karlsson gefur rófur. Þá koma bræðurnir Theodór og Þórarinn Guðbergssynir og Guðlaugur Helgi Sigurjónsson að skipulagningu og framkvæmd ásamt eiginkonum sínum.” Meira frá SuðurnesjumSkötumessan: Gefa skólabörnum 12.500 máltíðir á næstu fimm árumCourtyard hlýtur eftirsótt verðlaun annað árið í röðMetaðsókn á [...]
